ཐེ་ཝན་ལ་མཚོ་འོག་དམག་གྲུ་བཟོ་རྒྱུའི་ལས་དོན་ཐོག་མཐུན་འགྱུར་གནང་བར་ཐུགས་རྗེ་ཆེ་ཞུས་འདུག

2021-11-30
Share
ཐེ་ཝན་ལ་མཚོ་འོག་དམག་གྲུ་བཟོ་རྒྱུའི་ལས་དོན་ཐོག་མཐུན་འགྱུར་གནང་བར་ཐུགས་རྗེ་ཆེ་ཞུས་འདུག ཐེ་ཝན་གྱི་སྲིད་འཛིན་ལྕམ་(Tsai Ing-wen)་མཚོ་དམག་གི་གྲུ་གཟིགས་(SS-794)་ནང་། ༣།༢༡།༢༠༢༧
Reuters

ཐེ་ཝན་གྱི་དམངས་གཙོ་ཡར་ཐོན་ཚོགས་པའི་གྲོས་ཚོགས་འཐུས་མི་རྒན་གྲས་སྐུ་ཞབས་(Tsai Shih ying)་གྱིས། འཛམ་གླིང་གི་མཚོ་འོག་དམག་གྲུ་བཟོ་མཁན་གྱི་རྒྱལ་ཁབ་ཁག་གིས་ཐེ་ཝན་ལ་མཐུན་འགྱུར་གནང་བར་ཐུགས་རྗེ་ཆེ་ཞུ་གི་ཡོད་ཅེས་གསུང་ནའང་འཛམ་གླིང་གི་རྒྱལ་ཁབ་སུ་དང་སུས་མཐུན་འགྱུར་གནང་བའི་སྐོར་མིང་འདོན་གནང་མེད་པ་རེད་འདུག ཡིན་ནའང་རེའུ་ཊར་གསར་འགྱུར་ལས་ཁང་གིས་ཞིབ་འཇུག་གནང་བའི་ནང་། ཐེ་ཝན་གྱི་མཚོ་འོག་དམག་གྲུ་བཟོ་རྒྱུའི་ལས་འཆར་དེར་ཨ་མི་རི་ཀ་དང་། ཁེ་ཎ་ཌ། དབྱིན་ཡུལ་བཅས་རྒྱལ་ཁབ་ཁག་ཅིག་གིས་མཐུན་འགྱུར་དང་། ལས་མིའི་ཆེད་གོང་ཞུས་རྒྱལ་ཁབ་དེ་དག་དང་ཨོསུ་ཀྲི་ལི་ཡ་དང་། ལྷོ་ཀོ་རི་ཡ། སི་པན་དང་རྒྱ་གར་བཅས་པའི་རྒྱལ་ཁབ་ཁག་གི་འཕྲུལ་ལས་པ་གླས་ཡོད་པ་རེད་འདུག
ཡང་ཐེ་ཝན་གྱི་གྲོས་ཚོགས་འཐུས་མི་སྐུ་ཞབས་(Tsai Shih ying)་ཡིས། ཐེ་ཝན་གྱི་མཚོ་འོག་དམག་གྲུ་བཟོ་རྒྱུའི་ལས་འཆར་དེར་དཀའ་རྙོག་ཆེ་ཤོས་དེ་རྒྱ་ནག་ཡིན་པའི་སྐོར་དང་དེའི་ཐོག་རྒྱ་ནག་གིས་ཐེ་གཏོགས་མི་བྱེད་པའི་རེ་བ་བྱེད་ཀྱི་ཡོད་ཅེས་གསུང་འདུག
ཡིན་ནའང་རྒྱ་ནག་ཕྱི་སྲིད་ལྷན་ཁང་གིས་ཐེ་ཝན་གྱི་མཚོ་འོག་དམག་གྲུ་བཟོ་རྒྱུའི་ལས་འཆར་དེར་ཕྱིའི་སྟོབས་ཤུགས་དང་ངན་འབྲེལ་བྱེད་ཀྱི་ཡོད་པས། རྒྱལ་ཁབ་ཁག་གིས་དེར་འཛུལ་ཞུགས་བྱེད་རྒྱུ་མཚམས་འཇོག་བྱེད་དགོས་པའི་སྐོར་བརྗོད་ཡོད་པ་རེད་འདུག
ཐེ་ཝན་གྱི་(CSBC Corp)་ཞེས་པའི་གྲུ་གཟིངས་བཟོ་གྲྭ་དེས་སྔ་ལོ་ནས་ཐེ་ཝན་གྱི་མཚོ་འོག་དམག་གྲུ་ཁག་བཟོ་རྒྱུའི་ལས་འཆར་དེ་འགོ་འཛུགས་གནང་ཡོད་ཅིང་། ཐེ་ཝན་གྱི་གྲུ་གཟིངས་བཟོ་གྲྭ་དེས་མཚོ་འོག་དམག་གྲུ་བརྒྱད་ཕྱི་ལོ་༢༠༢༥་ལོ་ཚུན་བཟོ་ཐུབ་རྒྱུ་ཡིན་པ་ཐེ་ཝན་གཞུང་གིས་བརྗོད་ཡོད་པ་རེད་འདུག

གསར་འགོད་པ། ལྷུན་གྲུབ་ཚེ་རིང་།
རྩོམ་སྒྲིག་པ། རིག་ལྡན་སྒྲོལ་མ།
དྲ་ཐོག་རྩོམ་སྒྲིག་པ། དཔལ་ལྡན་རྒྱལ།
དྲ་ཐོག་སྤེལ་མཁན། ཀླུ་འབུམ།

མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎

དྲ་གནས་ཆ་ཚང༌།