བརྙན།

སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་རྒྱ་གར་ཧི་མ་ཅཱལ་མངའ་སྡེའི་ཆེས་མཐོའི་ཁྲིམས་ཁང་གི་ཁྲིམས་དཔོན་ཆེན་མོ་ Rajiv Shakdher ལགས་སུ་མཇལ་ཁ་སྩལ་གནང་མཛད་ཅིང་། འདི་ནི་བསམ་ཡུལ་ལས་འདས་པ་དང་ཁོང་གི་མི་ཚེའི་ནང་གི་རྨི་ལམ་ཞིག་མངོན་སུམ་དུ་གྲུབ་པ་ཞིག་བྱུང་ཞེས་ཁྲིམས་དཔོན་ཆེན་མོས་གསུངས་བྱུང་། སྲིད་སྐྱོང་སྤེན་པ་ཚེ་རིང་མཆོག་ཡོ་རོབ་ཀྱི་ ལུཀ་ཟམ་སྦརྒ་ དང་ནེ་དྷར་ལེནཌི་དུ་ཆེད་ཕེབས་ཀྱིས་ཡོ་རོབ་གྲོས་ཚོགས་འཐུས་མི་ཟུར་པ་དང་ཡུ་རོབ་རྩིས་ཞིབ་ཚོགས་པའི་ཚོགས་མི་ལྕམ་ Laima Andrikiene དང་ནེ་དྷར་ལེནཌི་གྱི་གྲོས་ཚོགས་གོང་མའི་འཐུས་མི་རྣམས་མཇལ་འཕྲད་ཀྱིས་༧གོང་ས་༧སྐྱབས་མགོན་ཆེན་པོའི་འཁྲུངས་སྐར་དགྱེས་སྟོན་མཛད་སྒོར་ཕེབས་ཞུགས་ཡོང་བའི་མགྲོན་བརྡ་ཕུལ་འདུག རྒྱ་ནག་གི་འབྲེལ་ཡོད་ཚན་པས་ཉི་ཧོང་ནང་བོད་མི་སོགས་རྒྱ་ནག་གཞུང་དང་ལྟ་སྤྱོད་མི་མཐུན་མཁན་ཚོར་བསུན་གཙེར་བྱེད་བཞིན་ཡོད་པ་ཐེར་འདོན་བྱས་འདུག Anchor: Tashi Wangchuk Producer: Nordhey Dolma